La ofensivo de la usona imperiismo
La usona imperiismo, kiu estis hegemonia ene de la monda kapitalisma sistemo ĉe la fino de Dua Mondmilito, malkreskas fronte al siaj konkurantoj, precipe la ĉina imperiismo. Do, kunliganta al Trump, unu frakcio de la usona burĝaro decidis preni fortajn rimedojn kaj ne plu zorgi pri la monda ordo.
La postmilita monda ordo ne nur estas malaktuala: ĝi jam estas armilo, kiu estas uzata kontraŭ ni. Ok jardekojn poste, denove, ni estas vokitaj krei liberan mondon el ĥaoso. Ĝi ne estos facile. Kaj tio estos neebla sen forta kaj memfida Usono, kiu engaĝiĝas kun la mondo denove metante niajn kernajn naciajn interesojn super ĉio alia. (Marco Rubio, Sekretario de Ŝtato, 15-a de januaro 2025).
Kaj brutale ili tion faras, flankenpuŝĝanta siajn iamajn aliancanojn kaj subpremante la suverenecon de pli malfortaj landoj: plena komerca milito, teritoriaj postuloj, serĉado de interkonsento kun la rusa imperiismo sur la dorsoj de la ukrainoj kaj prirabado de Ukrainio, kaj plena subteno al Israelo en la masakro kaj elpelo de la palestinanoj. Tiun ĉi agreseman internacian politikon interne akompanas amasaj kaj kunordigitaj atakoj kontraŭ migrantoj, kontraŭ publikaj dungitoj, kontraŭ publika sano kaj socia sekureco, kontraŭ civitanaj liberecoj, rajtoj de virinoj, malplimultoj, ktp., kontraŭ mediprotektado, kontraŭ katastrofpreventado, kontraŭ universitatoj, scienco kaj esplorado…
Grava problemo en la klasbatalo en la koro de Usono
Por internaciismaj komunistoj, ĝuste la mobilizado de la tuta usona laborista klaso, kolektigante subprematajn malplimultojn kaj plimulton de studenta junularo, povas venki, laŭ la jenaj principoj: Ne tuŝu enmigrintojn, sindikatajn rajtojn, malplimultojn, virinajn rajtojn, studentojn, publikajn servojn, socialasekuron, ĉiujn publikajn liberojn, ktp.! Por la aktiva defendo de la medio kontraŭ la predantaj interesoj de firmaoj de grandaj hidrokarbonoj, de armiloj, de kemioj, de teknologiaj servoj, ktp.
Kontraŭ la militarigo de landlimoj! Daŭra milita helpo al Ukrainio!. Malsupren kun la proponita kolonia traktato por konfiski la riĉaĵon de Ukrainio!. Neniun plian armilon, neniun plian dolaron por Israelo! Por la fermado de ĉiuj usonaj militbazoj eksterlande kaj la reveno hejmen de ĉiuj soldatoj, ŝipoj kaj aviadiloj. Neniu dolaro por subteni la usonan imperiisman militistan dominadon en la mondo.
Neniu teritoria postulo aŭ aneksad-minaco por Gronlando, Kanado, Panamo!. Rompo de sindikatoj kaj organizoj de la subprematoj kun la burĝaj partioj (Demokrata Partio, Respublikana Partio, Verda Partio, ktp.)!. Unuiĝinta fronto de laboristoj por organizi kaj centraligi reziston. Laborista memdefendo de manifestacioj, strikoj, laboristaj kaj studentaj asembleoj kontraŭ la policanoj kaj faŝistoj!. Por malfermi tiun ĉi perspektivon de batalo, estas urĝe, ke aktivuloj, kiuj celas formi revolucian laboristan partion, regrupiĝu en Usono.
La provo dividi Ukrainion inter rusa imperiismo kaj usona imperiismo.
De la rusa flanko, Putin establis militekonomion je la kosto de la laboristaro. Li plifortigas subpremon. La rusa proletaro havas neniun intereson alfronti sian ukrainan najbaron. Li povus haltigi la imperiisman militon, kion sia burĝaro faras. Al li mankas revolucia organizaĵo, kiu rekonektiĝus kun la Bolŝevika Partio de 1917, kiu gvidus la batalon kontraŭ Putin. Liberigu ĉiujn kontraŭulojn de la milito, demokratiajn liberojn!. Retiro de rusaj trupoj, redono de konkeritaj teritorioj de Ukrainio!. Soldatoj de la fronto, turnu viajn armilojn kontraŭ viaj generaloj kaj postulu tujan ĉesigon de la malamikecoj!
La revoluciuloj senkondiĉe subtenas la rajton de Ukrainio defendi sin kontraŭ rusa agreso. Sed la registaro de Zelenskij faras militon uzante la metodojn de la kompradora burĝaro, kombinante ŝovinisman ideologion, profitismon, servemecon al usona imperiismo, specialan traktadon, limigojn de demokratiaj liberecoj, kaj ĉiajn premojn sur la proletaro. Demokrataj liberecoj, inkluzive por soldatoj, nuligo de la kontraŭlaborista leĝaro de Zelenskij, nuligo de privatigoj!. Milita trejnado, armado de laboristoj kaj direktado de milito kaj pacnegocadoj sub la kontrolo de laboristaj kaj kamparanaj organizaĵoj!. Voko al la rusa proletaro, al proletara internaciismo por haltigi la militon!
Israelo rekomencas genocidon en Gazao
Israelo jam ne plu eĉ zorgas pri la fikcio de la Oslo-Akordoj, kiuj permesis al ĝi, surbaze de la kapitulaco de la PLO, daŭrigi sian koloniigon kaŝante sin malantaŭ la miraĝo de la kreado de du ŝtatoj. Ĝia celo estas la kompleta aneksado de CisJordanio kaj la Gaza-strio, la masakro kaj elpelo de palestinanoj, kaj la permanenta milita okupado de la siriaj Golan-altaĵoj kaj Sud-Libano. Okcidentaj imperiismaj ŝtatoj daŭre liveras armilojn al Israelo, kiu rekomencis bombadi la gazan loĝantaron, masakri civilulojn kaj kaŭzi detruon, post denove fortranĉi ĉian aliron al nutraĵhelpo kaj detrui la lastan elektrocentralon, kiu provizis sensaligon. Unuiĝinta Laborista Fronto organizu bojkoton de armilliveroj al Israelo kaj ĉiaj specoj de loĝistika subteno!. Ne estos paco en Palestino sen la malmuntado de la cionisma ŝtato, sen demokratia, mult-etna, multlingva, sekulara kaj socialisma Palestino. Por la laborist-kamparana registaro en Palestino!. Por Socialisma Federacio de la Proksima Oriento!. Jen la perspektivo por la palestina proletaro same kiel por la juda proletaro, kiu devas rompi kun Cionismo.
Komerca milito plifruigas tutmondan ekonomian krizon kaj antaŭsignas armitajn koliziojn.
Trump ekigis la komercan militon, pliseverigante kontraŭdirojn kun aliaj burĝaroj kaj ene de la usona reganta klaso. La rezulto estas ĥaosa ekonomia politiko fokusigita sur tarifplialtigoj, kiuj neeviteble plifruigos la dislokigon de internaciaj provizĉenoj, malkreskon de tutmonda produktado kaj internacia komerco, kaj revigliĝon de inflacio. Ĉina imperiismo, jam troproduktanta kaj preskaŭ malpermesita de la usona merkato per 145%-a imposto, neeviteble okupiĝos pri eĉ pli furioza konkurenco por vendi siajn varojn. En la imperiismaj metropoloj kiel en la regataj landoj estas ĉefe la proletaro, kiu pagos la prezon. Ĉiuj reformistoj, kiuj tute ne pridubas kapitalismon, sed pledas, kun sia burĝaro, por la defendo de nacia (aŭ regiona) produktado per la starigo de doganaj baroj, nur instigas ĉi tiun marŝon al krizo. Ekonomia milito antaŭas la militon mem.
Militarismo havas detrueman ekologian efikon. Estontaj generacioj riskas ne nur la tujan detruon de homaj vivoj, kripligojn kaj psikologian traŭmaton kaŭzitajn de perforto, la detruon de hejmoj, infrastrukturo kaj agrikultura tero, sed ankaŭ daŭran poluadon.
Ĉie, por financi militajn elspezojn, la regantaj klasoj intensigas siajn atakojn kontraŭ la laborista klaso, kontraŭ ĉiuj sociaj gajnoj, kontraŭ publikaj servoj, kontraŭ la plimulto de la etburĝaro. Naciismo kaj protektismo, ksenofobio kaj rasismo, klerikalismo kaj religia fundamentismo, maskulinismo kaj malamikeco al virinaj rajtoj, malamo al malplimultoj (religiaj, etnaj, seksaj), daŭra detruo de la medio, konspiraj teorioj kaj kontraŭvakcina obskurantismo… estas la standardoj de reakcio. La tradiciaj burĝaj partioj fariĝas pli kaj pli reakciaj, kaj mem estas defiataj de la apero de faŝistemaj, eĉ faŝistaj partioj. La burĝaj laboristaj partioj, kiuj nomis sin reformismaj, jam ne povas certigi senchavajn reformojn. La sorto de subpremataj popoloj (palestinanoj, kurdoj, ktp.) kaj etnaj malplimultoj (nigruloj en Usono, turkoj en Germanio, araboj en Francio, alavitoj en Sirio, kaŝmiranoj en Barato, ktp.) emas plimalboniĝi.
La ĉefa malamiko estas en nia lando
La gelaboristoj produktas la tutan riĉecon de la socio el la naturo. Ili havas la eblecon malhelpi la katastrofon. Al ksenofobio, rasismo, naciismo kaj protektismo, ni kontraŭstaru la plenan liberecon de moviĝo kaj setlado por ĉiuj migrantoj, la forigon de landlimoj, proletaran internaciismon kaj la konstruadon de monda socialismo!. Nek nacia unueco nek sankta kuniĝo ĉirkaŭ burĝaj registaroj kaj iliaj militaj buĝetoj! Unuiĝinta laborista fronto de ĉiuj organizaĵoj pretendantaj esti laboristaj kontraŭ militaj buĝetoj!. Neniu parlamentano voĉdonu por la milita buĝeto!.
Milito kontraŭ imperiisma milito!. Eblas fini ĉi tiun tutan putran sistemon, limigi la median krizon kaj preventi mondmiliton se, trans limoj, la avangardo de laboristoj regrupiĝas en revolucia laborista internacio. En ĉiu ŝtato, la Internacio helpos konstrui bolŝevikan partion por gvidi la lukton kontraŭ ĉia subpremo, por eksproprietigi la grandan kapitalon kaj detrui la burĝan ŝtaton, por establi laboristajn registarojn bazitajn sur konsilioj.